Æfingaleik frestað

Þjálfarar beggja liða hafa ákveðið að fresta æfingaleiknum um örfáa daga.
Það er erfitt að hafa gaman að keppa þegar völlurinn er ekki auður og veður óspennandi.
Það verður því bara venjuleg æfing á okkar venjulega tíma á morgun og æfingaleikurinn vonandi fyrr en seinna.
Afsakið hvað þetta kemur seint inn !

kv. Þjálfarar 

Æfingaleikur á miðvikudaginn 4.des

Nú er desember að hefjast og því hvetjum við þjálfararnir ykkur að vera duglegar áfram að mæta á æfingar og klæða ykkur vel eftir veðri. Muna eftir húfu, hanska og trefli !

Á miðvikudaginn verður æfingaleikur á æfingatímanum okkar. Við mætum tímanlega kl 15:00 niður á Ásvelli og byrjum svo að spila fljótlega upp úr því. Reiknum svo með að vera búin rétt fyrir kl 16:00.
Það hefur gengið illa að fá æfingaleiki en tókst á endanum eftir smá samningaviðræður.
Muna á miðvikudaginn að mæta í takkaskóm og með legghlífar. Svo er bara að klæða sig vel.
Þær sem komast mega skrá sig í athugasemdum :)

kv. Þjálfarar 

Óskilamunir

Eitthvað hefur verið um það að fatnaður hafi gleymst á æfingum og/eða tekinn í misgripum.

Þær flíkur sem verða eftir á æfingum, s.s. vettlingar, peysur, úlpur og annað, fer ég alltaf með inn í afgreiðslu Ásvalla en ef fötin eru merkt þá geymi ég þau hjá mér og afhendi iðkanda á næstu æfingu.

Varðandi þær flíkur sem eru teknar í misgripum, að þá hvetjum við foreldra til að athuga haukamerktan fatnað hjá sér og gái hvort einhver hafi óvart tekið vitlausa peysu/flík. 

kv. Þjálfarar

Duglegir iðkendur

Höldum áfram að mæta á réttum tíma og vera jafn dugleg á æfingum og við höfum verið :)

Æfingatímar 6.flokks í vetur:

Mánudagar - kl 15:00 til 16:00 - gervigras

Miðvikudagar - kl 15:00 til 16:00 - gervigras

Sunnudagar - kl 10:00 til 11:00 - gervigras

 

kv. Þjálfarar 

Æfing í óveðri

Samkvæmt stefnu knattspyrnudeildar Hauka mega þjálfarar ekki fella niður æfingar.
Þegar það er óveður / vont veður á æfingu verður oft lítið eða takmarkað hægt að gera úti. Þjálfari tekur ákvörðun á staðnum hvort hann færi æfinguna inn eða reyni að gera gott úr hlutunum. Ef ekki er hægt að æfa úti vegna veðurs tekur þjálfari samt alltaf á móti iðkendum sínum og reynir að hafa ofan af þeim sem mæta yfir æfingatíma flokksins.
Það er því foreldra að ákveða, í vondu veðri, hvort þeir sendi barnið sitt á staðinn, hvort sem æfing verður inni eða úti.

Í dag, sunnudag, er t.d. ekki hægt að vera úti og ákvað þjálfari að færa æfingunna inn og finna eitthvað að gera. Þjálfarar munu því taka á móti þeim sem mæta inni á Ásvöllum.

Punktar frá foreldrafundi

# Þjálfari kynnti sig og hvernig æfingar hafa gengið fyrir sig.

# Agakerfið á æfingum var kynnt á fundinum, en notast er við gult og rautt spjald. Gula spjaldið er lokaviðvörun og það Rauða gefur til kynna að iðkandi verður að hvíla/horfa á 5mín. Hins vegar hefur þjálfari aldrei þurft að beita rauða spjaldinu og finnst ólíklegt að það verði notað :)

# Með tilkynningu forfalla, þá kíkir þjálfari daglega inná athugasemdir á bloggsíðu flokksins. Þar af leiðandi er gott að foreldrar tilkynni forföll í athugasemdir við nýjustu bloggfærsluna hverju sinni. Ef iðkandi verður aftur á móti lengur frá t.d. vegna meiðsla, leyfis o.s.frv. má senda þjálfara tölvupóst. Netfangið er hægra meginn á síðunni.

# Í gær var fyrsti félagslegi hittingur flokksins á tímabilinu. Það mun vera að minnsta kosti 1x í mánuði sem flokkurinn gerir eitthvað skemmtilegt saman og verður reynt að halda kostnaði í lágmarki (mun ekki alltaf kosta eitthvað). 

# Mót sumarsins - verða með svipuðu sniði og í fyrra, ásamt því að taka æfingaleiki með reglulegu millibili. Eina mótið sem þjálfari setti spurningamerki við var Sauðárkrókur en vildi samt halda þeim möguleika opnum. Tímasetning mótsins er mjög góð og virðist vera að batna eftir dálitla lægð. Nánar rætt síðar.

Dagskrá næstu daga

Sælir kæru foreldrar,

dagskrá næstu daga lítur svona út:

# Mánudagur 4.nóv

Foreldrafundur kl 20:30 og verður haldinn í fundarsalnum Engidal á Ásvöllum. 

# Miðvikudagur 6.nóv

Vídeóhittingur kl 16:00 !  Stelpurnar fá að taka með sér svala og kexkökur (eða ávexti) og planið er að koma okkur vel fyrir í fundarsalnum Engidal og horfa á vídeó saman. 

Reiknum með að vera klukkutíma og ekki er fótboltaæfing þennan dag.

Á döfinni í nóvember er svo að taka æfingaleik en það er enn í vinnslu og verður kynnt þegar lengra líður.

kv. Þjálfarar

Enginn Risi í vetur

Af óviðráðanlegum orsökum æfum við ekki í Risanum í vetur.
Sunnudagsæfingarnar okkar verða þar af leiðandi á sama tíma og áfram á Ásvöllum.

Mæting á æfingar hefur verið frábær og dugnaður stelpnanna mikill !
Minnum samt á að mæta á réttum tíma + að klæða sig eftir veðri :)

Eftir helgi kemur inn blogg með viðburðum október mánaðar !

kv. Þjálfarar 

Áminning frá félaginu

Skráningar iðkenda og greiðsla æfingagjalda fyrir 2013-2014

Skráningar og greiðsla æfingagjalda hafa gengið ágætlega en þó er enn um að iðkendur séu óskráðir. Við viljum því minna ykkur á að ganga í það og höfum við ákveðið að gefa ykkur frest til þriðjudagsins 15. október n.k. til þess að ganga frá skráningum. Skrá þarf í gegnum „Mínar síður“ hjá Hafnarfjarðarbæ en það er eina leiðin til þess að hægt sé að nýta niðurgreiðsluna. Eftir það verða þeir iðkendur sem enn eru óskráðir, skráðir inn af okkur og fá forráðamenn sendan greiðsluseðil heim. Það skiptir því miklu máli að skrá iðkendur sem fyrst til að fá þá niðurgreiðslu sem iðkendur eiga rétt á.

Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: [e-mail] 

Lesa vel !

Nú er farið að kólna í veðri og því mikilvægt að klæða sig vel fyrir æfingar. Við á okkar litla Íslandi vitum aldrei hverju við eigum von á og því er um að gera að taka frekar einni flík of mikið frekar en að vanta eina :)

Sjáumst hress á æfingum !