Skil á fjáröflunarblöðum

Jæja þá er komið að skilum á fjáröflunarblöðunum.Við verðum inni á Ásvöllum milli 17 og 18 á morgun miðvikudag.Það þarf að afhenda fjáröflunarblöð og peninga, og ef fólk ætlar að millifæra á sameiginlega reikninginn þá verður fólk að koma með kvittun um að það sé búið að millifæra.

Kveðja Foreldraráð

Gleðilega Páska

Hafið það gott um páskanna og vonandi verða málshættirnir skemmtilegir !
Hlökkum svo til að sjá ykkur aftur á æfingu miðvikudaginn 3.apríl :)

kv. Þjálfarar 

Fjáröflun og peysur

Vildum bara minna ykkur á fjáröflunarblöðin sem stelpurnar fengu með sér heim á miðvikudaginn.Þeim á að skila eftir páska.Ef einhverjum vantar blöð þá endilega hafið samband.Peysurnar verða pantaðar á eftir AÐEINS fyrir þá sem eru búnir að greiða.

Kveðja Foreldraráð

Sunnudagurinn og Páskafrí

Núna á sunnudaginn (þennan eina sunnudag) mun æfingin okkar vera á Ásvöllum, ekki í Risanum.

Æfingatíminn er sá sami en æfingin verður færð á Ásvelli vegna óviðráðanlegra orsaka.

Páskafríið okkar hefst 25.mars og til 1.apríl. 

Það þýðir að síðasta æfing fyrir páska er núna á sunnudaginn (24.mars) og svo mætum við hress og kát eftir páskaeggjaát miðvikudaginn 3.apríl !

 

kv. Þjálfarar 

Hettupeysumátun 20/3

 Til stendur að panta Hauka-hettupeysur fyrir stelpurnar í 6. flokki (og foreldra/systkini sem vilja). Peysurnar verða með merki Haukanna framan á og nafnamerkingu á ermi. Mátun er AÐEINS  miðvikudaginn 20. mars kl. 17-18 á Ásvöllum. Áætlað verð er tæpar kr. 4000 fyrir peysu í barnastærðum.

Endanlegt verð verður staðfest í tölvupósti með greiðsluupplýsingum þegar heildarfjöldi pantana liggur fyrir. Á morgun fer því einungis fram mátun og skráning pantana.

Kveðja Eva Harpa,Enika,Þórdís og Birkir 

 

Flottur hópur

Þjálfarar vilja hrósa leikmönnum flokksins fyrir góða mætingu (bæði á æfingar og tímanlega) og fyrir dugnað meðan á æfingunum stendur !  Eruð að sinna þessu vel og standa ykkur betur og betur með hverri vikunni :)

Höldum þessu áfram og náum eins langt og við getum !
Minnum á æfingarnar í vikunni og að aukaæfingin skapar meistarann (mæta 5mín fyrir æfingu og leika sér)

kv. Þjálfarar 

Þema sunnudagsins

Þar sem alþjóðabaráttudagur kvenna var í gær verður þema þessa sunnudags : Bleikur !
Allar að mæta í einhverju bleiku :)

Sjáumst hress og kát í Risanum.

kv. Þjálfarar 

Miðvikudagurinn

Á morgun, miðvikudaginn 6.mars, ætlar flokkurinn að vera inni vegna þess að það er spáð miklum kulda, úrkomu og vindi. 

Þar af leiðandi þarf ekki að mæta í takkaskóm og tilheyrandi útidóti því við verðum bara inni á Ásvöllum, þar sem þjálfarar hafa planað skemmtilega stund.

Við hvetjum allar til að mæta á réttum tíma og við ætlum að safnast saman við aðal-innganginn.

AÐALREGLA morgundagsins verður auðvitað að sýna sínar bestu hliðar og kurteisi við starfsfólk hússins fyrst við fáum að vera inni :)

Sjáumst hress á morgun,

kv. Þjálfarar

Veðurspá næstu daga..

.. er ekki spennandi. Það er spáð talsverðum kulda (eða meiri kulda en hefur verið uppá síðkastið) og töluverðum vindi. Þar kemur inn vindkælingin sem gerir útiveru en kaldari. En allt er þetta veðurSPÁ.

Við höfum hinsvegar lært það gegnum tíðinna  að það er fínt að taka eitthvað mark á þeim.
Við biðjum stelpurnar um að mæta VEL klæddar á æfinguna á morgun !
Á æfingunni í dag voru þær vel klæddar og sýndu það, að það er betra að taka með sér fleiri flíkur og geta farið úr þeim heldur en að vanta flík og vera kalt.

Einnig biðjum við foreldra um að fylgjast vel með þegar nær dregur miðvikudeginum, því ef það verður vonskuveður að þá verður að grípa í plan B. 

Nr. 1 - Klæða sig vel þessa viku
Nr. 2 - Fylgjast með blogginu þessa viku

kv. Þjálfarar 

Varðandi næsta sunnudag

Skilaboð frá FH:

Næstkomandi sunnudag verður Kaplakriki undirlagður við frágang vegna árshátíðar Hafnarfjarðarbæjar. Húsið verður því lokað fram til 12:00 á meðan mesta vinnan fer fram, Risinn verður þó opinn og ættu ekki neinar æfingar að falla niður en iðkendur þurfa að ganga meðfram girðingunni fram til 12:00, eftir það verður húsið opið öllum. Mikilvægt er að koma þeim skilaboðum til þeirra sem eiga æfingar frá 09 – 12 svo fólk verði ekki að reyna að ganga í gegnum húsið.