Kæru forráðamenn

Nú er búið að opna fyrir kerfið sem sér um að taka á móti skráningu og greiðslu æfingagjalda. Það er búið að samkeyra kerfið (Nóri) við Hafnarfjarðarbæ og nú er hægt að fá niðurgreiðsluna strax með því að fara í gegnum mínar síður hjá Hafnarfjarðarbæ eða að fara í gegnum haukar.is sem leiðir ykkur á mínar síður.
Þetta er breyting frá því sem áður var því nú greiða forráðamenn mismuninn milli heildaræfingagjalds og niðurgreiðslu. Hafnarfjarðarbær greiðir síðan mánaðarlega beint til íþróttafélaganna niðurgreiðsluhlutann.
Þannig að það sem áður var eins og það að fara inn á íbúagátt og merkja við niðurgreiðslu þrisvar yfir árið er ekki lengur til, einng þá fá forráðamenn strax niðurgreiðsluna og þurfa því ekki að fá endurgreitt frá félaginu.

Það helsta við þetta nýja kerfi er að forráðamenn verða að ganga frá æfingagjaldinu í síðasta lagi 10. október til að fá fulla niðurgreiðslu. Ef það tefst fram til 11. október þá fellur niður endurgreiðsla fyrir sept., ef skráð er 1.nóv. þá fellur niður greiðsla fyrir okt. o.s.frv. Við hvetjum því forráðamenn til að ganga frá greiðslu sem fyrst.

Hægt er að greiða með kreditkorti og skipta greiðslum í að hámarki 12 greiðslur – enginn aukakostnaður.
Einnig er hægt að greiða með greiðsluseðli og skipta greiðslum í að hámarki 12 greiðslur – hér er rukkað svokallað þjónustugjald sem er ca. 450 krónur á hverja greiðslu.

Hægt er að fá leiðbeiningar um hvernig skráning fer fram á slóðinni http://haukar.is/ibuagatt.
Við vekjum athygli á því að það verður að ganga frá greiðslu til að fá niðurgreiðsluna.

Með bestu kveðju,
Guðbjörg Norðfjörð

Íþróttastjóri Hauka
[e-mail]
s: 525-8702/861-3614
Fax: [phone]

Frábær mæting á æfingar undanfarið :)

Það er búið að vera virkilega gaman að sjá hvað það hafa verið margar stúlkur að mæta á æfingar og þvílíkur dugnaður !! Allar æfingar eru gerðar af krafti og heilum hug :) Stór + til ykkar stelpur.

Minnum ykkur á að mæta klæddar eftir veðri og munið eftir vatnsbrúsum þið sem viljið hafa þá við hendina.
Æfing á morgun (mánudag) og miðvikudaginn kl 15:00 !

Sjáumst á æfingu,
Kristján og Andri

Klæða sig eftir veðri !

Sælar stelpur !

Minnum á æfinguna á morgun kl 15:00 :)
Munið svo líka að klæða ykkur vel,
það er farið að vera svolítið kalt og á Ásvöllum er yfirleitt alltaf smá vindur sem gerir kuldan enn meiri.
Setjum stuttbuxurnar uppí hillu og munum að það er betra að klæða sig vel og þurfa að fara út einni flík heldur en að vera of kalt og vanta flík ;)

Sjáumst hressar á morgun,
kv. Þjálfarar

Uppskeruhátið aðstoð

Sæl öll við ætlum að ath með hvort það sé ekki fullt af duglegum foreldrum  í 6 flokk kvenna sem eru til í að aðstoða við uppsetning á uppskeruhátíðinni.Það er mæting klukkan 14 og svo ætla foreldrar úr 7 flokk kvenna að aðstoða við að ganga frá.

 Kveðja

Barna og unglingaráð

Uppskeruhátíð yngri flokka Hauka !!

Uppskeruhátíð 8,7,6,og 5 flokks knattspyrnudeildar Hauka verður haldin í Schenkerhöllini Ásvöllum sunnudaginn 16.sept kl.15.00.

Iðkendur mæta með veitingar á kaffihlaðborð en drykkjarföng verða á staðnum

Það er skyldumæting fyrir allar stelpur sem æfðu í sumar og svo eru mamma,pabbi,afi og amma og auðvitað systkini sérstaklega velkominn :)

kv. Þjálfarar

Æfingatímar í vetur

Jæja, þá er nýtt tímabil að rúlla í gang og vonandi að allir séu orðnir jafn spenntir og við þjálfararnir !

Æfingatímarnir okkar verða svona í vetur:
Mánudagar - kl 15:00 til 16:00 - gervigras Ásvellir
Miðvikudagar - kl 15:00 til 16:00 - gervigras Ásvellir
Sunnudagar - kl 10:00 til 11:00 - gervigras Ásvellir *
*(sunnudagsæfingarnar færast svo uppí Risa hjá FH í byrjun október)

Endilega skráið ykkur í athugasemdir með nafn og hvort þið séuð fæddar 2003 eða 2004 :)
Hlökkum til að sjá ykkur sem flestar !

Haukakveðjur,
Andri og Steini

Æfingagjöld

Kæru forráðamenn/foreldrar

Mig langar að byrja á því að þakka þeim sem komu á Haukadaginn okkar fyrir komuna. Frábært að sjá hversu margir sáu sér fært að mæta, svona gerum við gott félag betra.

Nú er komið að greiðslum æfingagjalda fyrir tímabilið 2012-2013.
Hafnarfjarðarbær ákvað að taka sama kerfi, Nóra, og við höfum verið að nota í eitt og hálft ár. Það er mikið fagnaðarefni fyrir okkur öll því þarna sameinast greiðslur æfingagjalda og niðurgreiðslur. Það verður því þannig að forráðamenn greiða mismuninn á æfingagjöldum og niðurgreiðslum, sem dæmi:
Iðkandi í 7. flokki í knattspyrnu, æfingagjald 45.000
Niðurgreiðslan er 20.400 (12 x 1.700)
Forráðamenn borga því 45.000-20.400 sem gera 24.600.
Bærinn mun því greiða okkur beint mismuninn, allt mun einfaldara og betra.

Hafnarfjarðarbær er ekki tilbúin með kerfið og því vil ég biðja forráðamenn að bíða rólega þar til ég sendi út tilkynningu um að það sé í lagi að byrja að ganga frá æfingagjöldum.
Þá sendi ég ykkur einnig skýringu á því hvernig þetta er gert en til að gera langa sögu stutta í fyrstu adrennu þá er þetta allt gert í gegnum haukar.is.
Nú þurfið þið ekki að fara á íbúagátt þrisvar yfir árið eins og verið hefur.
Nánari útskýringar koma í póstinum þegar ég tilkynni ykkur að kerfið sé tilbúið.

kv. Guðbjörg Norðfjörð, íþróttastjóri

Haukadagurinn á morgun (laugardag)

Laugardaginn 1.september munum við vera með Haukadag í samstarfi við foreldrafélag Hraunvallaskóla.

Haukadagurinn verður hér á Ásvöllum frá kl. 13:00-16:00. Ýmislegt verður við að vera og bjóðum við alla velkomna til að sjá okkar blómlega starf.
Það sem verður meðal annars í boði er:
Æfingatöflur deildanna verða gerðar opinberar.
Kynning frá deildum Hauka sem eru sex talsins, knattspyrnudeild, handknattleiksdeild, körfuknattleiksdeild, karatedeild, almenningsdeild og skákdeild. Þjálfarar verða á staðnum til að svara spurningum um flokkana.
Hægt verður að skrá og ganga frá æfingagjaldi.
Þrautabrautir fyrir yngstu krakkanna.
Keppnisþrautir og tímatökur.
Kynning á N1 bensínkorti.
Kynning á Haukum í horni.
Kynning á getraunastarfinu okkar.
Hvað er foreldrafélag?
Hvað er skólaráð?
Almenningsdeildin ætlar að vera með uppákomu hér fyrir utan.
Allir fá eitthvað í svanginn.

Allir að mæta og gera sér glaðan dag á ásvöllum

Kv. Andri og Kristján

Skemmtigarðurinn

Jæja jæja - nú er þetta tímabil á enda.
Stelpurnar eiga pening og höfum við í foreldraráði ákveðið að fara í skemmtigarðinn á sunnudaginn.
Þær sem tóku þátt í Símamótinu og/eða Landsbankamótinu á Króknum fá frítt í Skemmtigarðinn. Hinar sem ekki hafa tekið þátt í mótunum þurfa að borga.
Það er mæting kl. 13:00 á sunnudaginn í Skemmtigarðinn með góða skapið og sólgleraugu.

Við verðum að fá skráningu á þetta og biðjum við því allar að skrá sig hér að neðan sem ætla að koma í síðasta lagi á fimmtudaginn.

Hlökkum til að sjá ykkur.

Flott mót / Vikan

Takk fyrir daginn stelpur (og foreldrar)
Þetta var virkilega flott mót og þið stóðuð ykkur ekkert smá vel,
hellingur af mörkum, frábær fótbolti og framfarir :)

Vikan verður svona:
Mánudagur - FRÍ
Þriðjudagur - Æfing kl 15:15 til 16:15
Miðvikudagur - Æfing kl 15:15 til 16:15
Fimmtudagur - Æfing kl 15:15 til 16:15

Svo styttist í skiptin svo það er um að gera að vera duglegar að mæta á æfingar núna í vikunni og njóta þess að vera saman stelpur !
kv. Andri og Kristján