Mánudagur 10.mars

Vegna veðurs í dag er lítið hægt að gera. . Þar af leiðandi verður engin fótboltaæfing í dag en ég er niðri á Ásvöllum og tek á móti þeim sem mæta ( ef einhver mætir )

Kv.  Andri 

Meiri snjór ?

Við leggjum mikla áherslu á að iðkendur mæti VEL klædd á æfingar !

Veðrið er mjög breytilegt milli daga (jafnvel klukkutíma) svo það er mikilvægt að geta komið í veg fyrir að verða kalt. Það getur reynst þjálfurum erfitt að stýra æfingum ef einn til tveir iðkendur, sem eru illa klæddir, geta ekki tekið þátt í æfngunni.

Æfingatímarnir okkar:

Sunnudagur - kl 10:00

Mánudagur - kl 15:00

Miðvikudagur - kl 15:00

Nokkuð góðar líkur á æfingaleik fljótlega.

kv. Þjálfarar

Áfram Haukar !

Þó það sé vetrarfrí í skólum verða fótboltaæfingar áfram á dagskrá en við tökum samt tillit til þess ef fólk ætlar að nýta fríið saman til að gera eitthvað.

M.fl kvenna í samstarfi við 6.fl kvenna hjá Haukum ætla að prufukeyra verkefni og verður næstu tvo mánudaga. Verkefnið ber heitið "Frá byrjanda til meistara" en það gengur þannig fyrir sig að leikmenn úr m.fl kvenna koma og stjórna æfingu hjá flokknum.

Þar af leiðandi verður æfingatími flokksins næstu tvo mánudaga (24.feb og 3.mars) frá kl 16:00 til 17:00.

Æfingatímar á miðvikudögum og sunnudögum haldast óbreyttir.

kv. Þjálfarar

Tilkynning frá mótastjórn TM-mótsins

Sæl öll, 

Okkur hafa borist tilkynningar um að bolir úr gjafapokunum frá Pæjumóti TM um helgina síðastliðnu hafi verið að koma illa út úr þvotti og myndin framan á bolunum flagni af.

Okkur þykir þetta gríðarlega leitt og TM hefur haft samband við birgjann sem sá um að útvega bolina. Verið er að vinna í brúklegri launs og að því stefnt að allar stúlkurnar sem fengu gallaðan bol fá nýjan við fyrsta tækifæri.

með góðri kveðju

f.h. HK/Víkings og TM

Björn

Miðvikudagur 19.febrúar

Samkvæmt veðurspá er spáð miklu hvassviðri í dag. Þrátt fyrir að það sé yfirleitt alltaf logn á Ásvöllum er gott að taka mark á þessum veðurspám.
Þar sem við fellum aldrei niður æfingar, þá hvetjum við þær sem mæta að mæta vel klæddar í dag ef æfingin verður úti
EN ef það rætist úr spánni og það verður mikill vindur og einhver úrkoma færum við æfinguna inn.
Það eru samt minni líkur en meiri að komast að í karatesalnum eða annars staðar þar sem dagskrá hússins er iðulega þétt pökkuð.

Við gerum alltaf gott úr hlutunum :)
kv. Þjálfarar

Frí á sunnudaginn - Pistill frá þjálfara

FRÍ á æfingu sunnudaginn 16.febrúar,

Næsta æfing er mánudaginn 17.feb.

Kæru foreldrar.

Mig langar að biðjast afsökunar á því hvað ég hef verið lítið duglegur að blogga undanfarið og hvað upplýsingaflæðið hefur verið af skornum skammti. Ég gæti vel talið upp fjöldan allan af afsökunum en ég ætla ekki að gera það heldur einfaldlega biðjast afsökunar og lofa að virkja bloggið aftur á fullu og halda öllum upplýstum !

Æfingarnar hjá flokknum hafa gengið vel og mæting/æfingasókn leikmanna tekið stórt stökk eftir áramót. Það er einnig farið að sjást mikið af nýjum andlitum á æfingum og margar nýjar sem eru byrjaðar að æfa af krafti með okkur. Við fögnum því og bjóðum allar nýjar fótbolta-Hauka-stelpur velkomnar :)

Mótið í dag gekk virkilega vel fyrir sig og bæði skemmtilegt og gagnlegt að mati þjálfara. Við vonum svo sannarlega að ykkur hafi fundist gaman og dagurinn nýst vel !

Ég tel mig vera mjög heppinn að vera með mjög virkan og góðan foreldrahóp en einnig auðveldar það starf mitt að vera með tvo frábæra aðstoðarþjálfara. Lísbet hefur staðið sig mjög vel með stelpurnar og frábær fyrirmynd fyrir allar ungar Haukastelpur. Einar kemur nýr inn í flokkinn en hann er sjálfur leikmaður Hauka. Hann hefur verið að mæta núna þennan mánuðinn og var til að mynda með okkur á mótinu í dag.

Það sem liggur núna á teikniborði þjálfarans er eitthvað félagslegt/hópefli sem flokkurinn mun gera saman en það verður tilkynnt seinna. Einnig er komið að því að mynda foreldraráð í flokknum. Mótalisti sumarsins og dagsetningar voru birtar fyrr í þessum mánuði og má finna listann í bloggfærslu aðeins neðar. Og svo auðvitað æfingarnar okkar !

Að lokum langar mér að þakka aftur fyrir daginn, hrósa stelpunum fyrir frammistöðu sína bæði innan sem utan vallar og hvet alla til að halda áfram að fylgjast með blogginu.

Áfram Haukar !

kv. Andri þjálfari

Pæjumót TM - 15.feb - LESA VEL

Þá styttist í mótið á laugardaginn, 15.febrúar, sem haldið verður í fyrsta sinn í KÓRNUM í KÓPAVOGI !

MUNA að þáttökugjaldið er 2000kr per einstaklingur og er æskilegast að greiða fyrir fyrsta leik. Gott ef liðin taka sig saman og borga í einum púkk frekar en einn og einn.

Mæting er 15 mínútum fyrir fyrsta leik og skulu liðin mæta við þann völl sem þau hefja leik á. Það er gott að vera tímanlega, því það má búast við margmenni á laugardaginn.

Eftir hvern leik væri best ef liðin héldu hópinn og hefðu gaman saman t.d. með því að hvetja önnur Haukalið ;) Svo skulu liðin vera tilbúin við sína velli ekki seinna en 5 mínútum fyrir sinn næsta leik. Leiktíminn í 6.fl er 1x12mín.

Haukar 1

Berglind, Birgitta, Elín K, Viktoría, Mikaela

Tími - Völlur - Andstæðingur

8:30 - Glódís Perla Viggósdóttir - Víkingur

9:00 - Glódís Perla Viggósdóttir - Valur

9:30 - Glódís Perla Viggósdóttir - Fylkir

11:00 - Glódís Perla Viggósdóttir - HK

Haukar 2

May, Rannveig, Bjarney, Karólína, Sara, Svandís

Tími - Völlur - Andstæðingur

9:00 - Hólmfríður Magnúsdóttir - Þróttur

9:30 - Katrín Ómarsdóttir - Reynir/Víðir

10:30 - Katrín Ómarsdóttir - Grótta

11:30 - Katrín Ómarsdóttir - Keflavík

Haukar 3

Eva, Kristín, Sóley, Thelma Ó, Inga, Þórunn

Tími - Völlur - Andstæðingur

8:30 - Dóra María Lárusdóttir - ÍA

9:00 - Dóra María Lárusdóttir - Grindavík

9:30 - Dóra María Lárusdóttir - Fylkir

11:00 - Dóra María Lárusdóttir - Selfoss

Haukar 4

Telma Ýr, Arnrún, Hildur, Rebekka, Katrín, Auður, (Krista)

Tími - Völlur - Andstæðingur

8:45 - Dóra María Lárusdóttir - FH

9:15 - Dóra María Lárusdóttir - Valur

9:45 - Dóra María Lárusdóttir - Fram

11:15 - Dóra María Lárusdóttir - Víkingur

Ef eitthvað vantar eða spurningar kveikna, þá endilega skiljið eftir línu í athugasemdum. 

Þjálfarar verða duglegir að fylgjast með blogginu fram að móti.

Sjáumst hress og kát í Kórnum á laugardaginn !

Áfram Haukar ! 

Upplýsingar farnar að berast

Nú fara upplýsingar af mótinu að detta inn næstu klukkustundir eða næstu daga. Það er orðin mikil spenna finn ég hjá leikmönnum (og þjálfurum) eftir mótinu á laugardaginn.

Það sem við höfum frétt er að hver aldursflokkur spilar sér. Þannig byrjar 6. flokkur um morgunin upp úr kl. 8 og í áttina að hádegi og um hádegsbil tekur 7. flokkur við og verður í 3 klukkustundir að spila og svo endar 5. flokkur í jafnlangan tíma frá ca 14 til um 17 eða ríflega svo. ATH að þetta eru tímamörkin sem eru gefin upp hjá hverjum flokki en tímar hvers liðs fyrir sig eru ekki enn staðfestir.

Svo til að ganga úr skugga um að eitthvað fari úrskeiðis, þá langar mig athuga hvort við séum ekki örugglega með allt á hreinu. Þær sem hafa skráð sig eru : Elín Klara, Sara Katrín, Inga Bryndís, Eva Dís, Hildur Jana, Bjarney, Thelma Ósk, Mikaela Nótt, May, Birgitta Kristín, Auður Brynhildur, Sóley Lind, Krista Sól, Rannveig Þóra, Arnrún Bylgja, Karólína, Viktoría Diljá, Telma Ýr, Berglind, Kristín Björk, (Þórunn og Rebekka)

Ef það er einhverja sem vantar þá endilega skiljið eftir skilaboð í athugasemdum.

Fylgist með næstu daga,

kv. Þjálfarar

Pæjumótið 15.feb + Sumarið

Skráning á Pæjumót TM 15.febrúar hefur gengið virkilega vel. Það er enn hægt að skrá sig en þær sem eru búnar að boða komu sína eru :

Elín Klara, Sara Katrín, Inga Bryndís, Eva Dís, Hildur Jana, Bjarney, Thelma Ósk, Mikaela Nótt, May, Birgitta Kristín, Auður Brynhildur, Sóley Lind, Krista Sól, Rannveig Þóra, Arnrún Bylgja, Karólína, Viktoría Diljá, Telma Ýr, Berglind, Kristín Björk,

Við vorum svo heppin að fá skráð 4 lið í mótið og þar sem 20 stelpur eru skráðar til leiks hefur okkur tekist að manna öll liðin :)

En sem fyrr segir, þá er enn hægt að skrá sig og auðvitað viljum við að sem flestar mæti !

Tímasetning á mótin í sumar er öll að verða klár. Mér finnst skynsamlegast að birta þetta tímanlega því ég veit að margir raða sumarfríi sínu svolítið eftir mótum flokksins. Gjörið svo vel !

VÍSmót Þróttar - Laugardalur - 24.-25.maí - dagsmót

Landsbankamótið - Sauðárkrókur - 28.-29.júní - helgarmót

Símamótið - Kópavogur - 17.-20.júlí - helgarmót

Arionbankamótið - Fossvogur - ágúst - dagsmót

(Íslandsmótið) - líklegast í júní - dagsmót

Ég set allar upplýsingar um Pæjumótið inn á bloggið um leið og þær berast. Verum dugleg að fylgjast með blogginu !

kv. Þjálfarar

Pæjumót TM - 15.febrúar

Pæjumót TM verður haldið í Kórnum í Kópavogi 15.febrúar og við ætlum ekki að láta okkur vanta.

Mótið er fyrir stúlkur í 5., 6. og 7. flokki og er mótsgjaldið 2.000 kr. Fyrirkomulag leikja verður með því sniði að spilaður verður 5 manna bolti og er miðað við að hvert lið spili að minnsta kosti 4 leiki með hraðmótssniði þannig að keppni hvers liðs ljúki á þremur klukkustundum.

Með þessu móti viljum við leggja sérstaka áherslu á að stúlkurnar og aðstandendur skemmti sér vel og njóti dagsins saman. Stúlkurnar fá afhenda gjöf frá TM, veitingar, verðlaun fyrir þátttöku og liðsmyndatöku að móti loknu. Landsliðskonurnar okkar taka þátt í mótinu með okkur en hver og einn völlur mun vera merktur ákveðinni landsliðskonu.

Við erum skráð til leiks með 4 lið og því gott að vera tímanlega í að taka niður alla þáttöku. Þær sem komast og vilja vera með skrá sig í athugasemdum, en einnig væri fínt að vita ef einhverjir komast ekki svo hægt sé að sjá tímanlega út hver lokafjöldinn verður.

kv. Þjálfarar