Frí sunnudag - Æfing mánudag

Frí á æfingunni á morgun (látum æfingaleikinn í dag duga) og svo æfing á mánudaginn kl 15:00.
Það varð þónokkuð af fötum eftir á Fylkisvelli sem ég kippti með mér.
Eigendur munu geta endurheimt flíkurnar á æfingunni á mánudaginn.
Takk fyrir góðan dag í fallegu sumarveðri  (vonandi það sem koma skal)
kv. Andri

Æfingaleikur 26.apríl

Daginn kæru foreldrar.
Ætla bara að minna á æfingaleikinn í fyrramálið:
Við spilum á Fylkisvelli (Árbænum í Reykjavík) og leikurinn er úti á gervigrasi.
Fylkisstelpur eru með tíma frá 9 til 10 sem við ætlum að nýta vel.
Mæting um 8:50.
Veðurspá er góð : rauðar tölur, úrkomulaus og fislétt gola.
Muna eftir vatnsbrúsa, legghlífum og haukaskapinu.
Sjáumst hress í fyrramálið.
kv. Þjálfarar

Æfingaleikur á laugardaginn

Æfingaleikur við Fylki laugardaginn 26.apríl
Fylkisvelli - Reykjavík

Leikurinn verður mjög líklega frá kl 9 til 10
Mæting rétt fyrir 9

Endilega að skrá sig í athugasemdum hér fyrir neðan
þeir sem komast og þeir sem komast ekki

kv. Þjálfarar 

Páskafrí búið og æfingaleikur

Vonandi að allir hafi haft það gott um páskanna og allir sáttir með málsháttinn sem þeir fengu.

Við byrjum aftur af krafti eftir stutt og gott páskafrí á miðvikudaginn 23.apríl á okkar vanalega æfingatíma.

Mótið sem við ætluðum á næstu helgi hefur verið slegið niður vegna lélegrar aðsóknar.
Þess í stað ætlum við að taka æfingaleik við Fylkisstelpur á laugardaginn 26.apríl frá kl 9 til 10.
Þær sem komast mega endilega skrá sig í athugasemdum hér fyrir neðan.

Sjáumst hress og kát á miðvikudaginn,
kv. Þjálfarar 

Páskafrí og punktar af fundinum

Punktar af foreldrafundinum í kvöld:

 

# Fréttir af flokknum : Nokkur ný andlit hafa bæst við og heldur flokkurinn því áfram að stækka. Áhugasemi og dugnaður einkennir stemminguna á æfingum.

# Páskafrí : Stelpurnar eru núna komnar í páskafrí og næsta æfing er miðvikudaginn 23.apríl.

# Mótin í sumar : Á fundinum var birtur listi með mótum sumarsins, með staðfestum dagsetningum og verði. Hann leit svona út:

VÍS-mótið – Laugardal – 24.-25.maí – 2000kr *

Landsbankamótið – Sauðárkróki – 28.-29.júní – 8500kr *

Símamótið – Kópavogi – 17.-20.júlí – 7000kr *

Arionbankamótið – Fossvogi – seinnipart ágúst – 2000kr

Íslandsmótið – byrjun/miðjan júní í fyrra (hluti af degi, kostar ekkert)

Stjörnumerkt mót eru mót þar sem þarf að borga staðfestingagjald.

Á VÍS-mótinu er staðfestingagjaldið 3500kr á hvert lið og við erum skráð með 3 lið. Skráningagjaldið þarf að borga fyrir 20.apríl. Foreldraráð í mótun sér um þessa greiðslu.

# Foreldraráð : Núna er komið að því að foreldraráð þurfi að fara að myndast. Verkefni þess eru ekki mörg en skemmtileg. Þjálfari hvatti til að foreldraráð 6. og 7.fl kvenna gætu unnið svolítið saman þar sem flokkarnir fara á sömu mót og í svipuðum undirbúningi. Þeir/þær/þau sem eru áhugasöm að vera í foreldraráði mega endilega senda Andra þjálfara póst á netfangið [e-mail] sem allra fyrst !

# Önnur mál : Þjálfari hvetur foreldra að merkja æfingafatnað stelpnanna svo það megi auðvelda það að flíkurnar komist aftur í réttar hendur ef þær gleymast á æfingum.

Þeir foreldrar sem ekki eru í fésbókarsíðu foreldra í 6.flokki kvenna geta fundið hana með því að ýta hér. 

Að lokum þakka ég fyrir góðan foreldrafund og óska ykkur gleðilegra páska :)

Sjáumst hress miðvikudaginn 23.apríl og munið eftir aukaæfingunum !

kv. Þjálfarar

Foreldrafundur 14.apríl

Sælir kæru foreldrar,

Mánudaginn 14.apríl verður foreldrafundur í fundarherberginu (Engidalur) á Ásvöllum.

Fundurinn hefst stundvíslega kl 18:30

 

Dagskrá fundarins:

Fréttir af flokknum og af æfingum

Páskafríið

Mót sumarsins

Foreldraráð

Vonumst til að sjá sem flesta !

kv. Þjálfarar

Áfram Haukar !

Við erum að vinna í því að fá æfingaleik núna næstu daga og auðvitað kemur allt beint inná bloggið um leið og það verður ljóst.

Einnig eru alveg 98% líkur á að við séum að fara á skemmtilegt dagsmót í apríl :)

Mikið fjör framundan !

Minnum svo á æfingatímanna okkar:

Sunnudagur - kl 10:00

Mánudagur - kl 15:00

Miðvikudagur - kl 15:00

Sjáumst hress á vellinum.

kv. Þjálfarar

Ég syng þó falli regn..

Það er spáð mikilli rigningu þessa vikunna svo við hvetjum alla til að athuga veðurspánna áður en það er haldið á æfingu. Betra að vera vel búinn ef þessar spár rætast.

kv. Þjálfarar

Facebook síða foreldra

Sælir foreldrar

Stelpurnar í M.fl vildu koma á framfæri þökkum til þeirra sem mættu sem boltasækjar í gær með svona stuttum fyrirvara !

Núna eru (held ég) komnar af stað fjáraflanir og ýmsar umræður meðal foreldra sem hægt er að nálgast á facebooksíðu foreldra stúlkna í 6.fl kvenna. Endilega skella sér í þann hóp ef einhverjir eiga það eftir :)

https://www.facebook.com/groups/161438380719591/

kv. Þjálfarar 

Flott æfing í dag

Mætingin á æfingu í dag var flott og stelpurnar voru virkilega duglegar. Þetta eru svosem ekki nýjar fréttir þar sem mætingin hjá flokknum hefur verið til fyrirmyndar sem og dugnaðurinn, en mér fannst við hæfi að taka það fram á blogginu í dag :)

Höldum áfram að bæta okkur með hverri æfingu. Eins og við sögðum á æfingu í dag, þá vann íslenska kvennalandsliðið Svíþjóð í dag í leik um bronsið á Algarve-mótinu. Við eigum margar flottar fyrirmyndir í kvennaboltanum hér á Íslandi :)

Að lokum þá er gott að fara að mynda foreldrafélag í flokknum. Þeir sem hafa áhuga mega endilega senda línu á mig á netfangið [e-mail]

kv. Þjálfarar